ժամը 12.25-ին, ոստիկանություն զանգած քաղաքացին հայտնել է, որ Գավառ-Մարտունի ճանապարհին վթար է տեղի ունեցել:
Դեպքի վայր մեկնած ոստիկանության Գավառի բաժնի օպերատիվ խումբը պարզել է, որ ժամը 12.00-ի սահմաններում Սևան-Մարտունի-Գետափ ճանապարհի 26-րդ կմ-ին իրար են բախվել «ՎԱԶ-2103» և
«Ֆորդ» մակնիշի մեքենաներ: Վթարի հետևանքով «ՎԱԶ-2103»-ի վարորդը՝ 60-ամյա Բաբկեն Հունանյանը, և ուղևորը՝ 53-ամյա Նաիրա Գալստյանը, մահացել են, իսկ «Ֆորդի» 24-ամյա վարորդը և 17-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է նախաքննություն: